"Ливерпуль" сардори Стивен Жеррарднинг шартномаси мавсум охирида тугайди ва футболчи уни узайтирмоқчи эмас.
Liverpool Echo хабарига кўра, 34-ёшли яримҳимоячи бу ҳақда бугун, 2 январь куни эълон қилмоқчи.
Жеррард клуб тарбияланувчиси ҳисобланади ва "қизиллар" таркибида 1998 йилдан ўйнаб келмоқда. Бу вақт давомида у 695 учрашув ўтказиб, 180 гол урган.
Стивеннинг кейинги ражалари номаълум. У Америка MLSига кетиши ҳам мумкин. Футболчига "Нью-Йорк Ред Буллз", "Нью-Йорк Сити" ва "Лос-Анджелес Гэлакси" клублари қизиқаётганлиги хабар қилинган эди.