Англиянинг 20-тури доирасида ўтказилган “Саутгемптон-Арсенал” ўйини давомида Лондоннинг “Арсенал” жамоаси бош мураббийи Арсен Венгернинг ёнига яқинлашган футбол ишқибозига айблов қўйилди, деб хабар беради “Associated Press” ахборот агентлигига асосланиб, “РИА Новости” агентлиги.
1 январь куни бўлиб ўтган ўйин мезбонларнинг 2:0 ҳисобидаги ғалабаси билан якунланди. Ўзи учун ажратилган ўриндиқда ўтирган Венгер ёнига 25 ёшли мухлис яқинлашаётганида, уни майдондаги стюардлар кўриб қолиб, қўлга олишган. Арсен Венгер бу мухлисни оқлаб, баёнот берганига қарамасдан, уни шунчаки қўйиб юборишмади.
Бу қоидабузар Саутгемптон шаҳри яқинида истиқомат қилувчи Люк Брайант экани аниқланди. У 22 январь куни ўз қилмиши учун суд олдида жавоб беради. Люк Брайант тақиқланган ҳудудга кириб боргани учун айбланади.
