"Валенсия" клуби ҳужумчиси ва собиқ "бланкос" Алваро Негредо "Реал Мадрид"га қарши ўйин олдидан шундай дейди:

«Бизнинг клуб тўғри йўлдан бормоқда, биз етакчилар гуруҳида бормоқдамиз, улар орасида қолиш учун эса "Реал Мадрид"ни енгишимиз лозим. Шубҳасиз, мен мамнуният билан улар дарвозасини ишғол этган бўлардим, бироқ муҳими - бутун "Валенсия"нинг ғалабасидир.

Биз "қаймоқранглилар" ажойиб формага кирганини биламиз, шунинг учун олдинда турган ўйин жуда оғир бўлади. "Мадрид"да ақлбовар қилмас натижа қайд этаётган ҳалокатли ҳужум чизиғи бор, аммо биз ҳам ҳимояда яхши ўйнаймиз. Статистика бизнинг жамоа янги йилга у қадар яхши кириб бормаганлигини кўрсатмоқда, лекин биз омадсиз сериямизга чек қўйишга тўла қарор қилганмиз”, - дейди Негредо