3 январь, Дубай. Футбол бўйича Ўзбекистон миллий терма жамоаси Австралияда бўлиб ўтадиган Осиё Кубоги-2015да иштирок этиш учун 3 январь, шанба куни БААнинг Дубай шаҳридан Австралиянинг Сидней шаҳрига жўнаб кетди.
Терма жамоа етакчиларидан бири Одил Аҳмедов ўз Instagram`ида сафар вақтидаги сурат билан бўлишди. Унда, шунингдек, Егор Кримец (юқоридан чапда) ва Жамшид Искандаровни (юқоридан ўнгда) ҳам кўриш мумкин.
Маълумот учун, Ўзбекистон терма жамоаси мусобақанинг “В” гуруҳида Шимолий Корея, Саудия Арабистони ва Хитойга қарши тўп суради. Миржалол Қосимов шогирдлари дастлабки учрашувни 10 январь, шанба куни Тошкент вақти билан 12:00да Шимолий Корея терма жамоасига қарши бошлашади.
