"Реал" бош мураббийи Карло Анчелотти ўйинчилар ротацияси ва жамоа ҳимоячиси Серхио Рамоснинг аҳволи ҳақида фикр билдирди.
"Рамос яхши формада, у мустақил тайёргарлик кўрди, энди жамоа билан бирга шуғулланиши керак. Машғулотлардан сўнг унинг ўйнаш-ўйнамаслигини муҳокама қиламиз. Вазият клублар ўртасидаги жаҳон чемпионати вақтидагидан бошача, ўшанда у ўйнашни жуда хоҳлаган ва шунинг учун майдонга тушган эди. "Валенсия"дан кейин ҳам кўп ўйинлармиз бор, тавваккал қилиш керак эмас.
Қийин тақвимни назарда тутсак, ўйинчилар ротацияси муқаррар. Бу бизни ортиқча жароҳатлардан қутқаради ва мотивация беради. Биз эътиборимизни бир эмас, барча мусобақаларга қаратамиз", - дейди Анчелотти.
