"Ливерпуль"нинг собиқ устози Рафаэль Бенитес ўзининг шахсий сайтида Стивен Жеррарднинг клубдан кетиш ҳақидаги қарорига муносабатини билдирди.

Эслатиб ўтамиз, 2005 йилда Истамбул шаҳрида чемпионлар лигасининг финалида "қизиллар" биринчи бўлимдан кейин 0:3 ҳисобида ортда бораётиб, якунда "Милан" устидан ғалаба қозонган эди.

"Жеррардни бир сўз билан таърифлайдиган бўлсам, у - "иштиёқ". У "Ливерпуль"да 5 йил менинг сардорим бўлди. Биз бирга ишладик, Англия чемпионати ва чемпионлар лигасида ғолиб бўлдик. Бу йилларда Стивенсиз ҳеч нарсага риша олмас эдик.

"Истамбул мўъжизаси" ҳам Стивеннинг иштирокисиз содир бўлмас эди. Ўша кеча жамоани руҳлантирган эди ва мағлубиятга учрашни хоҳламаган эди. У биринчи голни бош билан уриб, жамоани олдинга ундади, учинчи голда пенальти ишлади.

Унинг "Ливерпуль"ни тарк этишини эшитдим, унга "Энфильд"даги бирга ишлаган вақтларимиз учун миннатдорчилик билдириб, олдиндаги ишларига энг яхши тилакларимни тилайман.

"Ливерпуль" оддий футболчи ва спортчини эмас, "қизил юрак"ни йўқотмоқда. Ёдингда тут, Стивен, сен ёлғиз эмассан", - деб ёзади Бенитес ўз блогида.