“Атлетико” афсонаси Фернандо Торреснинг қайтишини футболчига қадрдон бўлиб қолган “Висенте Кальдерон” стадионида 40 минг томошабин қарши олди. Бугун ушбу ўйингоҳда футболчининг тақдимот маросими ташкиллаштирилди. Бу ҳақида “telegraf.com.ua”га асосланиб, “olamsport.com” нашри маълум қилмоқда.
Хабарда ёзилишича, “Атлетико” сафига 1,5 йиллик ижара асосида келиб қўшилган Торрес 19 рақамда ҳаракат қилади.
“Жамоага қайтишим учун ўз ҳиссасини қўшган барчага ўз миннатдорчиликларимни билдираман”, – дейди Фернандо Торрес.
Эслатиб ўтамиз, ушбу ҳужумчи “Атлетико” сафида 2001 йилдан 2007 йилгача бўлган вақт давомида ҳам ўйнаган ва 244 марта майдонга тушиб, 91 голга муаллифлик қилган.
