"Реал" яримҳимоячиси Лука Модрич чов соҳасидаги жароҳатидан даволанишни Белгияда ўтказмоқда. Хорватиялик футболчи яна тахминан 2 ҳафта муддат давомида у ерда бўлгач, Испанияга қайтади ва машғулотларга қайтиш учун тайёргарликка киришади.
"Реал" вакиллари Модричдан тезроқ соғайишни талаб қилмаяптилар, раҳбарият унга тикланиш учун қанча керак бўлса, шунча вақт беришга тайёр. Аввалроқ Модрич март ойидан бошлаб яна майдонга чиқишга тайёр бўлиши хабар қилинган эди.