«Реал» ҳимоячиси Серхио Рамос Испания 17-тури доирасида «Валенсия»га қарши ўйиндан кейин ўз фикрларини билдириб ўтди (1:2).

«Валенсия»нинг меҳнатини ерга уриш керак эмас. Уч очко йўқотганимиздан ва ғалабали серия узилиб қолганидан ҳафсалам пир бўлди, аммо Испания чемпионати ҳали узоқ давом этади.

Рақиб ўз ўйинини намойиш қилди ва ўз вазифасини аъло даражада уддалади. «Валенсия» бор эътиборини майдон марказига қаратди ва ғалаба қозонди.

Ғалабали серия «Реал» ўйинчиларини бўшаштириб қўймади. Жамоамиз меҳнаткаш ва камтар футболчилардан ташкил топган. Ғалабалар серияси бизни кучли қилди ва биз янада ўсишда давом этамиз», – дейди Рамос.