"Барселона" катта хатога йўл қўйди. Клуб қисқа таътилга чиқиб кетиш олдидан жамоа етакчилари Неймар ва Мессига бошқаларга нисбатан кўпроқ таътилга беришга қарор қилишди. Табиийки, улар "Реал Сосьедад" билан ўйингача яхши формага кира олишмасди. Шу боис бу футболчилар захирада қолдирилишди.
Омадсизлик эса ўйин дебютидан бошланди. Хорди Альба ўз дарвозасини ишғол қилиб қўйди. Биринчи бўлимда каталонияликларнинг ўйини мутлақо қовушмади. Улар пичоққа илинадиган тайинли вазият ярата олишмади.
Иккинчи бўлимда кутилганидек Месси ва Неймар майдонга тушишди. Шундан кейин ўйинда бироз жонланиш юзага келди, аммо бу ўзига ўхшаган "Барса" эмасди. Суаресда бир эмас, иккита вазият юзага келди. Луис дарвозабон билан бирга бир вазиятда рақибни алдаб ўта олмаган бўлса, иккинчи вазиятда "Сосьедад"нинг аргентиналик дарвозабони бош билан берилган зарбани қайтарди. Сан-себастянликлар ҳимояда ҳам жисплашган ҳолда ўйнашди ва рақибга бўш зона қолдиришмади.
Таътилдан кейин илк ўйин "Реал Сосьедад" эканини инобатга олган ҳолда Энрике ортиқча таътилсиз жамоани ушбу ўйинга тайёрлаши керак эди. Боиси, "Барселона" 2007 йилдан бери бу жамоа майдонида ғалаба қозона олмаётганди. Анъана давом этди. Бундан эса нафақат "Реал Сосьедад", балки мадридлик мухлислар ҳам хурсанд бўлишди. "Барселона" ушбу мавсумда ҳам совринсиз қолса, бунда фақат ўзини айблаши лозим.
Испания Ла лигаси, 17-тур
"РЕАЛ СОСЬЕДАД" – "БАРСЕЛОНА" 1:0 (ОНЛАЙН ТРАНСЛЯЦИЯ)
Гол: 1:0 – 2, автогол Альба.
Реал Сосьедад – Рульи, Мартинес, Мартинес, Ансотеги, де ла Белья, Кастро (Финнбогасон, 66), Гранеро, Каналес (Берчиче, 90), Бергара, Прието, Вела (Пардо, 90).
Барселона – Браво, Монтойя, Матьё (Алвес, 70), Альба, Хави, Бускетс, Педро (Неймар, 58), Маскерано, Иньеста, Мунир (Месси, 46), Суарес.
Огоҳлантиришлар: Матьё (34), Вела (39), Мартинес (43), Гранеро (51), Алвес (76), Финнбогасон (89), Альба (89), Бергара (90), Неймар (90).
