"Арсенал" бош мураббийи Арсен Венгер Англия кубогининг учинчи босқичида "Халл Сити" устидан қозонилган ғалабадан сўнг жамоа ҳужумчиси Алексис Санчес ҳақида илиқ фикрлар билдирди.
"Биз голли вазиятлар устида жиддий ишлашимиз керак. Биз буган бир неча қулай вазиятларан фойдалана олмадик. "Халл"га гол уриш имкониятини бермаганимиз ва иккинчи бўлимда ўз вақтида гол ура олганимиз яхши бўлди.
Санчес бугун ажойиб иш олиб борди, у ҳимоячиларни хато қилишга мажбурлади. Бундай ўйинчи - ҳар қандай мураббийнинг орзуси, чунки у ҳар доим ўйнашни истайди ва жамоага ўз фоллиги билан катта фойда келтиради", - дейди Венгер.