"Барселона" бош мураббийи Луис Энрике "Реал Сосьедад"га қарши сафардаги ўйин ҳақида ўз фикрини билдирди ва нима учун Месси ва Неймарни захирада қолдирганини айтиб ўтди.
"Қайсидир пайт керакли қарорга келиш қийин бўлади. Месси ва Неймар узоқ сафардан сўнг жамоа сафига икки кун олдин келиб қўшилишди ва шунинг учун уларни асосий таркибда тушириб таваккал қилмасликка қарор қилдим. Ўйинда анча яхши ҳаракат қилдик ва мағлубиятга лойиқ эмас эдик. Аммо, якунда натижа асосий планга чиқади. Рақиб жуда жиддий ўйин кўрсатди", - дейди Луис Энрике.