"Челси" бош мураббийи Жозе Моуриньо Англия кубоги 1/32 финалида "Уотфорд"га қарши учрашув (3:0) ҳаками Кевин Френддан узр сўради.
"Телеинтервьюда танқид қилганим учун Кевин Френд олдида узр сўрайман, у аъло даражада ҳакамлик қилди. Ремининг голидан олдинги вазиятда менга тоза пенальти бордай кўринди, аммо ҳакам бироз кутиб, энг тўғри қарор чиқарди."
У менга, агар Реми гол ура олмаганда ёки зарбадан сўнг тўп дарвоза соҳасига бормаганда - пенальти белгилаган бўлишини айтди. Мен уни ноҳақ танқид қилибман, сўзларимни қайтариб оламан", - дейди Моуриньо.
