"Ювентус" бош мураббийи Массимилиано Аллегри жамоа ҳужумчиси Карлос Тевеснинг шартномаси якунланганидан сўнг ҳам туринликлар сафида қолишига умид қилмоқда.
30 ёшли футболчи 2016 йилнинг ёзида, шартномаси тугагач, "Ювентус"ни тарк этишини маълум қилган эди.
"Унинг шартномаси яна бир ярим йилдан сўнг ниҳоясига етади. У ўйлаб кўриши ва сафимизда қолиши мумкин. Биз ҳаммамиз профессионаллармиз ва ҳар бир киши ўз фаолиятини ўзи белгилайди. Мен Карлоснинг охиригача профессионал бўлиб қолишига шубҳа қилмайман", - дейди Аллегри.
