"Байер"нинг собиқ бош мураббийи Кристоф Даум Дортмунднинг "Боруссия" клуби тушиб қолган вазиятни таҳлил қилишга уриниб кўрди.
"Бу мавсумда Бундеслигада энг катта сюрпризни "Боруссия" қилди. Бу вазиятни биргина сўз билан тушунтириш қийин. Агар муаммо битта бўлганида, уни тезда бартараф этган бўлишар эди. Аммо у ерда муаммо кўп. Масалан, мавсумолди тайёргарлик. Тайёргарлик жаҳон чемпионатида қатнашган футболчилар туфайли кўнгилдагидай бўлмади. Бунга жароҳатлар ҳам қўшилди. Бу нарса бош мураббий Юрген Клоппнинг ўзининг асосий таркиб ўйинчиларини хафа қилишига олиб келди. Бу вазиятда ҳар доим ҳам тўғри йўл тутмайсан, буни Клопп ҳам яхши билади. Унинг қўл остида жамоа ажойиб футбол кўрсатади. Муаммоларни бирма бир ҳал қилиш керак. Улар фақат ўзларига таянишлари керак, бошқалар ёрдам бермайди", - дейди Даум.
Эслатиб ўтамиз, "Боруссия" 15 очко билан жадвалнинг сўнгги поғоналарида бирида бормоқда.
