«Реал» бош мураббийи Карло Анчелотти «Барселона» ва Луис Энрике борасида ўз фикрларини билдириб ўтди.
«Мен «Барселона»нинг муаммоларидан қувонмайман. Боиси, ҳал қилишим керак бўлган муаммоларим етарли. Мен ўз жамоа билан бандман, «Барселона»да нималарга рўй бераётганига аҳамият бераётганим йўқ. Мавсум давомида ҳар бир жамоада муаммолар рўй бериши мумкин.
«Барселона»нинг ичида нималар рўй бераётганини билмайман, шу боис Луис Энрикенинг хатти-ҳаракатлари борасида ҳеч нарса дея олмайман. Жамоа ичидаги ҳолат бўйича энг тўғри қарорни Луиснинг ўзи чиқара олади. Назаримда, у асосли қарор қабул қилган», — дейди Анчелотти.
Эслатиб ўтамиз, Луис Энрике «Реал Сосьедад»га қарши ўйинда (0:1) "Барселона" етакчилари Месси ва Неймар захирада қолдирди.
