"Атлетико" бош мураббийи Диего Симеоненинг фикрича "Реал" посбони Икер Касильяс ўз савиясида ўйнашда давом этмоқда.
Аргентиналик мутахассис бу гапларини Испания кубоги 1/8 финалида "Реал"га қарши учрашуви олдидан айтди.
"Касильясни "Реал"нинг энг яхши ўйинчиси деганимда, баъзилар кулишган эди. Мен адашмабман, у ўзининг формасини тиклади ва клублар ўртасида жаҳон чемпионатида ғолиб чиқди. У "Реал"да бой тарихга эга. "Атлетико"га қарши ҳар доим яхши ўйин кўрсатган", - дейди Симеоне.
Эслатиб ўтамиз, "Реал"ва "Атлетико" ўртасидаги кубок учрашуви бугун, 7 январь куни "Висенте Кальдерон" стадионида бўлиб ўтади.
