КХДР миллий терма жамоаси Австралияга етиб борди. Сидней аэропортида футболчилар ва мураббийлар ОАВ вакилларига интервью беришни исташмади.
Фақат инглиз тилида сўзлайдиган раҳбарлардан бири "Ҳар бир ўйинда ғалаба қозонишни истаймиз", дея қисқача ўз фикрини билидириб ўтди.
Ўзбекистон терма жамоаси ҳимоячи Анзур Исмоилов www.smh.com.au сайтига берган қисқача интервьюсида КХДРга қарши ўйин борасида гапириб ўтди.
"КХДР — кучли жамоа. Улар ёпиқ ва ҳимоявий ўйин намойиш қилишади. Агар битта гол уриб олсак, биз учун яхши бўлади", - дейди Анзур.
Эслатиб ўтамиз, Ўзбекистон ва КХДР терма жамоалари ЖЧ-2014 саралашининг учинчи босқичида бир гуруҳда тўп суришган. Ҳар иккала ўйинда Вадим Абрамов бошчилигидаги терма жамоамиз бир хил — 1:0 ҳисобида ғалаба қозонган. Шимолий кореяликлар ЖЧ-2014 саралашининг сўнгги босқичига чиқа олишмаганди.
Ўзбекистон Осиё кубогининг илк ўйинида КХДРга қарши майдонга чиқади. Ўйин 10 январь куни бўлиб ўтади.
