"Ювентус" ҳимоячиси Жоржио Кьеллини Италия чемпионатининг 17-турида "Интер"га қарши учрашувдан сўнг (1:1) фикрларини билдирди.
"Биз яхши жисмоний ҳолатдамиз, агар дастлабки 60 дақиқадаги ўйинимизни эътиборга олсак, бундан яхши натижага эришишимиз керак эди.
Хатолар устида ишлашимиз ва "Наполи"га қарши учрашувда уч очко олишимиз керак. Биз иккинчи бўлимда 60-дақиқагача яхши ўйнадик ва 2-3 тўп фарқи билан ғалаба қозонишимиз керак эди.
Натижада, бироз бўшашдик ва рақиб биринчи хавфли вазиятдаёқ бизни жазолади. Бу "Сампдория"га қарши учрашувда ҳам бўлган эди, бугун ҳам содир бўлди", - дейди Кьеллини.