"Барселона"нинг собиқ бош мураббийи Тито Виланованинг ёрдамчиси бўлиб ишлаган Хорди Роура Каталония клубининг спорт директори этиб тайинланиши мумкин, дея хабар бермоқда AS.
Манбада айтилишича, Роура айни пайтда ушбу лавозим учун энг асосий номзод бўлиб турибди, бунинг сабаби эса унинг клуб фалсафасини яхши билиши ва "Барселона" академиясидаги фаолияти билан тушунтирилмоқда.
Эслатиб ўтамиз, испан гранди раҳбарияти яқинда Андони Субисареттани спорт директори лавозимидан бўшатган. Бунга унинг трансфер ишларида номувофиқликка йўл қўйгани сабаб бўлганди. Шунингдек, бугун тонгда пайдо бўлган хабарларда унинг ишдан хайдалиши учун Месси билан боғлиқ вазиятни юмшата олмагани ҳам асос бўлгани қайд этилди.













