“Барселона” Академияси директори Хорди Роурага яқин орада вақтинчалик клуб спорт директори лавозимини бажариш топширилади.
Хабарларга кўра, 47 ёшли мутахассис янги лавозимда июнь ойига қадар ишлайди. Ундан сўнг клуб Фиорентина клуби техник директори Эдуардо Масияни таклиф қилишни режалаштирган, дея хабар бермоқда “beIN Sports” мухбири Танкреди Палмери.
2013 йилда Хорди Роура жамоа бош мураббийи Тита Виланова даволанаётган вақтда вақтинчалик клуб мураббийи лавозимида ишлаган.
Эслатиб ўтамиз, жамоанинг аввалги спорт директори Андони Субисаррета душанба куни лавозимидан озод этилган эди.