"Манчестер Юнайтед" испан дарвозабони Виктор Вальдесга шартнома таклиф қилди, дея хабар беради ИТАР-ТАСС.
Аввалроқ, дарвозабон "Барселона" билан шартномасини узайтиришни истамаган эди. Унинг "Монако" билан шартнома имзолаши кутилган эди, аммо Вальдес тиббий кўрикдан ўта олмади. 32 ёшли дарвозабон 2014 йилда жароҳат олган ва операция қилинган эди. Ҳозирда у тикланиш билан банд.
Вальдес 2014 йилнинг октябридан бошлаб "Манчестер Юнайтед" билан шуғулланмоқда. Клуб шифокорлари яқин вақт учида унинг соғайиши ҳақида фикр билдирдилар. Ҳозирда посбон таклифни ўрганиб чиқмоқда.
