"Барселона" бош мураббийи Луис Энрике жамоа ҳужумчиси Лионель Месси билан мавсум бошидаёқ зиддият юзага келганини инкор қилди ва уни дунёнинг энг яхши ўйинчиси деб атади.
"Ўйинчилар билан муносабатим бошида қандай бўлгани бўлса, ҳозир ҳам ўзгармаган. Биз ўзимизни ўзаро яхшироқ билиб олганимиздан бошқа ҳеч нарса содир бўлмади. Жамоа ичидаги юзага келган муносабатлар жамоа ичида қолиши керак. Менинг ишим буни муҳокама қилиш эмас.
Мессига келсак, у - дунёнинг энг яхши ўйинчиси, демак, жамоамизнинг ҳам энг яхшиси. Баъзи нарсалар натижага боғлиқ бўлади, бу мураббий эътиборида бўлиши керак бўлган нарсаларнинг энг асосийси. Аммо мен клуб ва ўйинчиларнинг қўллаб-қувватлашларини ҳис қиляпман, бу борада шубҳам йўқ. Ишимизга мавсум сўнгида баҳо берилади, ўзимда ишонч ҳис қиляпман, бу ерда ҳеч қандай ультиматумларга ҳожат йўқ", - дейди Энрике.
