"Реал" бош мураббийи Карло Анчелотти Испания кубоги 1/8 финалининг дастлабки учрашувида "Атлетико"га қарши учрашувдан сўнг (0:2) унинг жамоаси бор кучи билан ўйнамаганлигини билдирди.
"Бугун нималарга қодирлигимизни бор бўйи билан кўрсата олмадик. Пенальтигача жуда жуда яхши бўлмасада, тўпни назорат қилаётган эдик. Ўйинни сустлаштирадиган ноқулай пасларга йўл қўйдик. Ўз вазиятларимиздан фойдалана олмадик, "Атлетико" ҳимояда жуда яхши ўйин кўрсатди.
"Реал" қаторасига икки марта мағлубиятга учради, аммо таназзул ҳақида гапиришга эрта. Олдинда "Эспаньол"га қарши учрашувимиз турибди, ундан сўнг кубокнинг жавоб учрашуви. Катта бўлмасада, чорак финалга чиқиш имкониятимиз сақланиб турибди", - дейди Анчелотти.
