"Арсенал" ва "Барселона" клубларининг собиқ яримҳимоячиси Сеск Фабрегас ушбу мавсум олдидан "Челси" сафига ўтганидан афсусланмаслигини маълум қилди.
"Бир неча ой олдин мен ўзимни "Челси" сафида тасаввур қила олмасдим. Бунинг устига менинг ўтмишим "Арсенал" билан боғлиқ эди. Аммо футболда "ҳеч қачон" деган сўзни ишлатмаслик керак экан.
Бу қарорга келишда қийналдим, мен эгоист бўлишга, фақат ўзимни ўйлашга қарор қилдим. Моуриньо билан 10 дақиқа суҳбатлашдим ва бу қарор қабул қилишимга етарли бўлди. У мени жуда яхши қабул қилди, мен бунга яхши ўйиним билан жавоб бермоқчиман", - дейди Фабрегас.