Португалиялик номаълум мухлислар УЕФА президентининг Париж четидаги уйи олдида Let's Kick Platini Out! ("Келинглар, Платинини ҳайдаймиз!") шиори остида акция ўтказдилар.
Бунга сабаб, УЕФА бошлиғининг "Олтин тўп"да Мануэль Нойерни фаворит деб билиши ҳақидаги сўзлари бўлган.
Marca газетасининг ёзишича, мухлислар Платинининг уйига 61 та тўп улоқтирганлар. Бу 2014 йилда Криштиану Роналдунинг урган голлари сонига тенгдир. Ҳар бир тўпда Роналду гол урган жамоаларнинг номи битилган.