Ўзбекистон миллий терма жамоаси бош мураббийи Миржалол Қосимов КХДРга қарши бўлиб ўтган дастлабки ўйиндан (1:0) кейин ўз фикрларини билдириб ўтди.

"Биз кўпроқ гол уришни истагандик, аммо бу биринчи ўйиндаги ҳаяжонли туфайли имкониятлардан фойдалана олмадик. Ҳар иккала бўлим давомида кўплаб вазиятлардан фойдалана олмадик. Биринчи ўйин ҳамиша қийин бўлади. Бизда кичик босим бор эди, аммо ғалаба қозонганимиздан хурсандман".

Ўзбекистонлик мутахассис учрашувнинг энг ўйинчиси сифати эътироф этилган, терма жамоанинг сўнгги 5та ўйинида 4та гол урган Игорь Сергеевни мақтаб ўтди.

"Ўйлайманки, уни клуб ва терма жамоада ёрқин келажак кутмоқда. Лекин Игорь бу билан тўхтаб қолмаслиги керак. Ишлашда давом этиши керак. У Ўзбекистоннинг энг яхши футболчиларидан бирига айланиши мумкин", - дейди Қосимов.

Матбуот анжуманида иштирок этган Сергеевнинг ўзи журналистларнинг саволига камтарона жавоб берди.

"Ким гол уришининг аҳамиятини йўқ. Муҳими жамоа ғалаба қозонса бўлгани. Бундан фақат хурсанд бўламан. Ғалаба учун охиригача кураш олиб борган жамоадошларимга миннатдорчилик билдираман", - дейди Сергеев.

Ўзбекистон терма жамоаси 14 январь куни Брисбанда Хитой терма жамоасига қарши майдонга тушади.