Лондоннинг "Арсенал" жамоаси Премьер-лиганинг 21-турида жуда ишончли ғалабани қўлга киритди. "Эмирейтс"да "Сток Сити"ни қабул қилган лондонликлар рақиб дарвозасига жавобсиз 3та тўп йўллашди.
Алексис Санчес ҳозирда яхши формада эканини намойиш қилди ва иккита гол уришга муваффақ бўлди. "Канонирлар"нинг дастлабки голига Лоран Косельни муаллифлик қилган бўлса-да, унга чиройли узатмани айнан чилилик футболчи берди. "Сток Сити" Венгер жамоасига деярли ҳеч қандай қаршилик кўрсата олмади.
Ушбу ўйинда иккита эътиборга молик воқеа кузатилди. "Арсенал" ҳимоячиси Матьё дебюши ўйин бошидаёқ елкасидан жароҳат олиб майдонни тарк этган бўлса, Месут Ўзил узоқ танаффусдан кейин илк марта бугунги ўйинда захирадан майдонга туширилди.
Ушбу ғалабадан кейин "Арсенал" ўз очколарини 36тага етказиб, 5-ўринга кўтарилди. Шунча очко жамғарган "Саутгемптон" бугун "МЮ" меҳмони бўлади.
АПЛ, 21-тур
Арсенал – Сток Сити 3:0 (онлайн трансляция)
Голлар: 1:0 – 6 Косьельни, 2:0 – 33 Санчес, 3:0 – 49 Санчес.
Арсенал – Оспина, Дебюши (Бельерин, 13), Косьельни, Мертесакер, Монреаль, Росицки, Коклен, Касорла, Окслейд-Чемберлен (Уолкотт, 68), Санчес, Жиру (Ўзил, 73).
Сток Сити – Бегович, Питерс (Муньеса, 46), Кэмерон, Шоукросс, Волльшайд, Арнаутович, Нзонзи (Сидуэлл, 46), Уэлан, Кркич (Айрленд, 73), Крауч, Уолтерс.
Огоҳлантиришлар: Волльшайд (51), Кэмерон (61), Крауч (63).
