Бугун Олмалиқда "Олмалиқ" ва "Машъал" жамоалари ўртасида иккита назорат учрашуви бўлиб ўтди.

Биринчи ўйин кучли ёмғир остида ўтган бўлса, иккинчи ўйин кучли қор остида бўлди.
Биринчи ўйин бошлангандан беш дақиқа ўтиб қарши ҳужумни Ғулом Ўрунов гол билан якунлади. Учрашув якунланишига кам қолганда бурчакдан оширилган тўпни "Олмалиқ"нинг молдовалик легионери Адриан Кашкавал боши билан голга айлантирди.
Биринчи ўйинда майдон эгалари 2:0 ҳисобида ғалабага эришди.

Иккинчи ўйинда эса ёш таркиб билан майдонга чиққан муборакликлар кичик ҳисобда ғалабага эришди. Баҳснинг 55-дақиқасида Ҳумоюн Муртозаев ҳимоячилардан қочиб кетишга эришди ва дарвозани ишғол этди. Бу ҳисоб ўйин охиригача ўзгармай қолди.

Шундай қилиб Олмалиқда ўтган икки баҳсда битта ғалаба, битта мағлубият билан якунланди.

Назорат учрашуви
Олмалиқ. 11.01.2014
1-учрашув.
"Олмалиқ" - "Машъал" 2:0
Голлар: 1-0 Ғулом Ўрунов (4), 2-0 Адриан Кашкавал (85).
"Машъал": Санжар Қувватов, Сирож Ҳамроев, Шерзод Файзиев, Жаҳонгир Жиямуродов (Сирожиддин Раҳматуллаев 60), Аббос Шодмонов (Шаҳзод Шаймонов 46), Зафар Тўраев (Холмурод Холмуродов 60), Игор Костров, Зоҳир Қўзибоев (Шоҳруҳ Достонов 60), Жамшид Хасанов (Иқбол Бобохонов 60), Абдулла Набиев.

2-учрашув.
"Олмалиқ" - "Машъал" 0:1
Гол: 0-1 Ҳумоюн Муртозаев (55)
"Машъал": Ботир Носиров (Жавоҳир Илёсов 55), Шоҳжаҳон Қиличев, Ғиёсжон Комилов, Иқбол Бобохонов (Сардор Абдураимов 53), Қаҳрамон Баҳодиров (Сирожиддин Аллаев 46), Мақсуджон Маҳмудов (Обид Маматов 65), Турсунмурод Ҳамдамов (Дурбек Камолов 64), Сирожиддин Раҳматуллаев, Шоҳруҳ Достонов (Аслиддин Абдиев 50), Ҳумоюн Муртозаев (Шариф Мирзаев 46), Холмурод Холмуродов.