Охирги 15 йил ичида Австралия бўйлаб ёз ҳафтаси салқин келди. Ҳам Мельбурн, ҳам Сиднейда бунақа ёз бўлмаган дейишади.

Мельбурндан Сиднейга 1 соатда учиб келдик. Ортимиздан Мельбурндаги ёмғир ва совуқ ҳаво ҳам югуриб келди.

Сиднейга келган кунимиз ўйин кунига тўғри келди. Ўзбекистон терма жамоасининг ҳар бир аъзоси Шимолий Кореяга қарши биринчи ўйинга тайёргарлик кўраётган эди. Тинч ўтирган одам йўқ, ғимир-ғимир.

Стадион биз турган меҳмонхонадан 1 соатлик йўл. Ўзбекистон ва Шимолий Корея ўртасидаги ўйин 1:0 ҳисобидаги бизнинг ғалаба билан тугади. Охири, айниқса, “вай, ҳай!” билан тугади. Нестеров чиройли ўйнади.

Ўйинни кўриб, яна ёмғир остида ортга қайтдик. Ўйиндан кейин ҳам роса қуйди.

Шу сатрларни ёзаяпману, ўйин вақтида бошлаб берган ёмғир, мана деразага ҳам қараб олдим, ҳалигача эрмак қилаётганини кўрдим.

Майли.

Австралиядан видеокундаликнинг иккинчиси Сидней сафарига бағишланди.

Ғалаба муборак!

Санжар Ризаев