Осиё кубоги-2015 мусобақасининг "Д" гуруҳида Япония - Фаластин терма жамоалари ўртасида 1-тур учрашувида ниҳоясиа етди.
Учрашувда Осиё чемпионлари Осиё чақирув кубоги ғолибларига ҳеч қандай имконият қолдирмадилар.
8-дақиқада Эндо узоқ масофадан зарба бериб, ҳисобни очди. Шундан сўнг ҳам японлар ҳужум қилишда давом этдилар. 25-дақиқада Кагава жарима майдони чизиғи олдида кучли зарба берди, дарвозага тўғри бориши гумон бўлган тўпни Оказаки ажойиб реакция кўрсатиб боши билан буриб юборди ва голга айлантирди.
Шундан сўнг фаластинликлар бироз бўшашдилар, японларга қарши қаршилик кўрсата олмайдигандек таассуротлар қолдирдилар. 44-дақиқада Ҳонда пенальтида гол киритиб, ҳисобни йирик кўринишга олиб келди - 3:0.
Иккинчи бўлимнинг бошида, аниқроғи 49-дақиада Кагава яна бир голга ҳаммуаллифлик қилди. "МЮ"нинг собиқ яримҳимоячисининг чап қанотдан узатган тўпини Йошида даровзага жойлади.
Осиё кубоги
Д гуруҳи
Япония - Фаластин 4:0 (3:0)
Голлар: Эндо (8), Оказаки (25), Ҳонда (44, пен), Йошида (49)
Япония - Кавашима, Сакаи, Йошида, Моришиге, Нагомото , Эндо, Ҳасебе, Ҳонда, Кагава, Инуи,Оказаки.
Фаластин - Солиҳ, Маҳажна, Ал Баҳдарий, Баттат, Жобир, Саид, Абуҳаммад, Ал Амоур, Дҳадҳа, Абуҳабиб, Нуъмон.
