“Динамо” (Бухарест) клубининг собиқ акциядори, 2007 йили Чемпионлар лигасининг саралаш босқичи доирасида ўтган “Динамо” (Бухарест) - “Лацио” (Италия) ўйинида, майдон эгалари ўйинни атайин бой берганини маълум қилди.

Римда ўтган дастлабки ўйин 1:1 ҳисобида якунланган, жавоб ўйинида эса биринчи бўлимдан сўнг “Динамо” 1:0 ҳисобида олдинда бораётганди. Иккинчи бўлимда “Лацио” уч гол киритиб, якуний ҳисоб бўйича ЕЧЛнинг гуруҳ босқичига йўл олган.

Исми сир сақланаётган мулозимнинг гапларига қараганда, икки клуб раҳбарияти ушбу ўйиндан олдин, “Лацио” клуби истиқомат қилган меҳмонхонада ўзаро келишувга эришишган.
Ўйиннинг танаффус пайтида, “Динамо” клуби футболчиларига рақибнинг гол уришига тўсқинлик қилмаслик ҳақида кўрсатма берилган.
Гуруҳ босқичига йўл олган “Лацио”, руминиялик ҳимоячи Штефан Раду трансфери учун “Динамо” клубига 4,5 миллион евро ўтказиб берган. Бу эса футболчининг ҳақиқий трансфер нархидан анча юқори бўлган.