"Арсенал" собиқ футболчиси Тьерри Анри тажрибали ярим ҳимоячи Стивен Жеррарднинг "Ливерпул"дан кетиш учун энг тўғри вақтни танлагани ҳақида гапириб ўтди.
"Менинг фикримча, Стивен ўз вақтида кетяпти. У МЛСга мослашиб кетиш учун етарли даражада ақлли. У ажойиб жамоа таркибига қўшилади. Сўзларимга ишонинг, "ЛА Гэлакси" мунтазам равишда ҳар йили финалда қатнашади. Уларда ташкилий ишлар яхши йўлга қўйилган.
Ярим ҳимоячи сифатида Стиви Жи Пол Скоулз билан бир хил даражада. Ҳар бир ҳужумчи у билан бирга майдонга тўп суришни орзу қилади. Бу ҳақида Торрес ёки Суаресдан, умуман у билан бирга ўйнаган футболчидан сўрашингиз мумкин. Жеррард ҳамон жамоага наф келтира олади", - дея fapl.ru Анрининг The Independent нашрига берган интервьюсидан иқтибос келтиради.
