"Барселона" собиқ ҳужумчиси, ҳозирда "Сток Сити" шарафини ҳимоя қилаётган Боян Кркич каталонияликлар ҳужумчиси Лионель Месси ҳақида фикрларини билдирди.
Месси - клубга жуда кўп нарса берган инсон. Мен "Барселона"далигим чоғимда Месси билан ҳеч қандай муаммо йўқ эди. У жанжал чиқарадиган футболчи эмас эди, ҳозир унинг ўзгарганига ҳам ишонмайман. Гап шундаки, ҳар бир футболчи ўзини жамоага керак деб ҳис қилиши керак, бу унга куч беради.
У ҳамон керакли ўйинчи, шунинг учун у ўзи хоҳлаган вақтда майдонга тушиши ва хоҳламаган вақти тушмасликка ҳақли. Чунки Лионель - жамоанинг етакчиси", -дейди Кркич.