Ўзбекистон миллий терма жамоаси бош мураббийи Миржалол Қосимов бугун Саудия Арабистонига қарши бўлиб ўтадиган Осиё Кубоги "B" гуруҳи 3-тур учрашуви учун асосий таркибни эълон қилди.
Таъкидлаш жоиз, Қосимов аввалги учрашувлардаги таркиб билан таққослаганда асосий таркибда 5та ўзгаришни амалга оширди. Аввалги учрашувларда асосий таркибда ҳаракат қилган Акмал Шораҳмедов, Тимур Кападзе, Сервер Жепаров, Санжар Турсунов ва Игорь Сергеевлар бугун захирада қолдирилган. Уларнинг ўрнига эса Шуҳрат Муҳаммадиев, Сардор Рашидов, Жасур Ҳасанов, Жамшид Искандеров ва Баҳодир Насимовлар бугун илк дақиқалардан майдонга тушадилар.
Ўзбекистон терма жамоаси ҳимоячиси Ислом Тўхтахўжаев жароҳати сабаб бугунги учрашув қайдномасига киритилмаган.
Эслатиб ўтамиз, Саудия Арабистонига қарши учрашув Тошкент вақти билан соат 14:00да бошланади. Ўйин сайтимиз орқали матнли онлайн трансляция қилинади.
Ўзбекистон терма жамоасининг Саудия Арабистонига қарши ўйинда майдонга тушадиган асосий таркиби:
Осиё Кубоги-2015, "В" гуруҳи, 3-тур
ЎЗБЕКИСТОН - САУДИЯ АРАБИСТОНИ (ОНЛАЙН ТРАНСЛЯЦИЯ)
Ўзбекистон: Игнатий Нестеров, Шавкат Муллажонов, Анзур Исмоилов, Шуҳрат Муҳаммадиев, Виталий Денисов, Азиз Ҳайдаров, Одил Ахмедов, Сардор Рашидов, Жасур Ҳасанов, Жамшид Искандеров, Баҳодир Насимов.
Захира: Элдорбек Суюнов, Акбар Тўраев, Егор Кримец, Акмал Шораҳмедов, Фаррух Сайфиев, Тимур Кападзе, Лутфулла Тўраев, Сервер Жепаров, Санжар Турсунов, Воҳид Шодиев, Игорь Сергеев.
Саудия Арабистони: Волид Абдуллоҳ, Усама Ҳавсавий, Умар Ҳавсавий, Абдуллоҳ аз-Зорий, Ёсир Ал Шаҳроний, Салмон ал-Фараж, Сауд Каририй (с), Салим ад-Давсарий, Навоф ал-Обид, Муҳаммад ас-Саҳлавий, Наиф Ҳаззозий.
