Россиялик тадбиркор Алишер Усмонов ЖЧ-2014 олдидан Россия терма жамоасига 300 миллион рубльни беғараз ёрдам сифатида ўтказган.
"Алишер Усмонов ҳар йили ҳайрия мақсадида Россия спортига бир неча юз миллион рубль пул ажратиб келади, жумладан мамалакат футболи ривожи учун Россия футбол иттифоқини (РФИ) ҳам қўллаб-қувватлаб келади", - дейди тадбиркорнинг вакили.
Бундан ташқари 2013 йилда "Спартак" клуби ва "Лукойл" хўжайинларидан бири Леонид Федун РФИга йилига 8,25 фоизлик тўлов билан 210 миллион рубль қарз берган. РФИ пулларни 2014 йилнинг июлида қайтариши лозим эди, аммо қайтара олмаган. Ҳозирда РФИнинг Федун олдидаги қарзи фоизлар билан қўшиб ҳисоблаганда 300 миллионга етган.
ОАВ хабарларига кўра, РФИ терма жамоа бош мураббийи Фабио Капелло олдидаги қарзи 600 миллион рублга етган.