"Реал" ҳимоячиси Альваро Арбелоа жамоадоши Икер Касильяс билан муносабатларида муаммо йўқлигини ва собиқ устози Жозе Моуриньо ҳақида фикр билдирди.
"Касильяс билан ўртамизда муаммо йўқ. Биз жамоадошмиз, биз у билан совринлар учун курашяпмиз. Ҳаётда дўстлар орттириш Фейсбукда орттиришдан кўра қийинроқ.
Моуриньога келсак, у бизга шу қадар яқин эдики, баъзан ота каби, баъзан дўст каби муомала қилар эди. Энди у ўз ишидан завқланмоқда. Мен бошқа барча устозларим каби у билан мулоқотни давом эттирмоқдаман", - дейди Арбелоа.
Эслатиб ўтамиз, Моуриньо Мадриддаги сўнгги мавсуми охирида жамоанинг баъзи футболчилари билан зиддиятга борган эди. Мутахассис Испания терма жамоаси посбони жароҳатидан қайтганидан сўнг захирага ўтқазиб қўйган эди.