"ПСЖ" яримҳимоячиси Тиаго Мотта ўзининг клубдаги ва Италия термасидаги жамоадоши Марко Вераттини "Ювентус" яримҳимоячиси Поль Погба билан таққослади.
"Мен ҳар доим Вераттининг ўзгача футболчи эканлигини айтиб келганман. Марко - туғма чемпион. У ҳам жисмонан, ҳам техник томондан етук ўйинчи. Иккала оёқда ҳам яхши ўйнайди. Погба билан таққослаш? Полни ҳурмат қилган ҳолда айтаман, мен учун Вератти кучлироқ", - дейди Мотта.
Вератти бу мавсум Франция чемпионатида 18 учрашув ўтказиб, 1 гол урган. Погба эса Италияда 16 учрашувда 5 гол урган.