Жанубликлар биз учун
Унчалик ҳам қулаймас,
Ғолиблик бўлса мақсад,
Терма рақиб танламас.
Ҳар битта ўйинида
Ўсиш кузатилмоқда,
Тўплари ҳам бехато
Аниқ узатилмоқда.
Ҳар қандай рақибни ҳам,
Ўйинда ютиш мумкин.
Кореядан хилма-хил
Совғалар кутиш мумкин.
Ҳимояда ётмасдан
Ҳужум қилинглар фақат,
Қайсарлик қилса ҳакам,
Бироз қилинглар тоқат!
Ҳар икки қанотлардан
Тинмасдан ҳужум қилинг,
Сардор, кўрсат уларга
Қандай бўлар дриблинг!
Фақат эҳтиёт бўлинг,
Акмалвойнинг бошидан,
Келса ҳайдаб чиқаринг
Дарвозамиз қошидан!
Олинг, эски аламни,
Ўйнанг борини ташлаб!
Шу сафар қуйманг фақат,
Мухлислар кўнглин ғашлаб!
Шундай ғалаба қилинг,
Ўзбекистон яйрасин,
Ўйин тугагач яна
Шуҳрат ака ўйнасин!
Мирзааҳмад Мубораков
