"Интер" бош мураббийи Роберто Манчини жамоа ҳужумчиси Пабло Освальдонинг машғулотларга келмаётгани ҳақидаги хабарларни инкор қилди.
Аввал хабар берилганидек, Освальдо "Ювентус"га қарши ўйинда (1:1) жамоадоши Мауро Икарди билан жанжаллашиб қолганидан сўнг жамоадан четлатилган ва у якка тартибда шуғулланиши керак эди. Шундан сўнг газеталар клубнинг ҳужумчи билан шартномани бекор қилиши мумкинлиги тўғрисида хабарлар тарқатди.
"Освальдо бугун машғулотлар майдонида эди, мен уни кўрдим", - дейди Манчини.