Леверкузеннинг "Байер" клуби собиқ бош мураббийи Клаус Топмёллер Дортмунднинг "Боруссия" клуби бошидан кечираётган вазият ҳақида фикр билдирди.
Дортмундликлар 15 очко жамғариб, бундеслиганинг сўнгги ўринларида бормоқда. Топмёллер ҳам 2002 йилнинг қишида шу вазиятда қолган эди.
"Бу вазиятларни бир-бирига ўхшатиш мумкин. "Боруссия" биринчи даврада жароҳатлар сабабли таркибда муаммоларга дуч келди. Клуб раҳбарияти Клоппни қўллаб, жуда тўғри иш тутмоқда. Жуда кучли босим остида қолган тақдирда ҳам, Клопп аҳмоқона йўл тутмаслиги керак", - дейди Топмёллер.
