"Барселона" бош мураббийи Луис Энрике "Атлетико"га қарши Испания Кубоги илк учрашувидан кейин ўйин ҳақида ўз фикрларини билдириб ўтди ва Атлетикони дунёнинг энг кучли ҳимоявий жамоаларидан бири деб атади.
"Бизга ҳимояда ўйнаш бўйича дунёнинг энг кучли клубларидан бири рақиблик қилди. Ҳужумчиларимизга осон бўлмаслигини ва гол уриш учун жуда яхши ўйин намойиш этишимиз кераклигини билар эдик", - деди Барселона бош мураббийи.
"Ҳали илк ўйин бошланмасидан олдин ҳам биз ҳар иккала учрашувда ғалаба қозонишни мақсад қилган эдик. Биз Мадридга ғалаба ва яхши натижа билан йўл оламиз, аммо "Атлетико"нинг ҳам ўз режаси борлиги аниқ. Жавоб ўйини жуда қизиқарли ва курашларга бой бўлиши аниқ. Сабаби "Атлетико"нинг йўқотадиган нарсаси йўқ", - дейди Энрике.