"Интер"даижарада ўйнаётган "Арсенал" ҳужумчиси Лукас Подольски ўзининг "Ювентус"га бўлган муҳаббати ҳақидаги миш-мишларни рад этди.
"Мен ҳар доим Давидс, Зидан ва Дель Пьеронинг ўйинларидан завқ олганман. Аммо биринчи ўринда "Кельн" мухлисиман, шунингдек "Барселона"га ҳам меҳрим бўлакча.
"Арсенал"даги омадсизлик? Мен учун захирада ўтириш муаммо эмас, аммо "Арсенал"да бу тез-тез такрорланар эди. Чемпионлар лигасида иккита гол урдим, кейин ҳаммаси тўхтади.
Худога шукур, Манчинидан таклиф бўлди. "Интер" - бой тарихга эга клуб, агар 5 йилдан буён соврин ютмаган бўлсангиз, бу сизни янада кучлироқ ўйнашингизга сабаб бўлади.
Ижара муддати тугаганидан сўнг қоламанми? Бу савол менга эмас. Менинг вазифам - майдонда натижа кўрсатиш. БУ ерда мени ҳамма нарса қониқтираётганлигини қўшимча қилишим мумкин", - дейди Подольски.