“Ливерпуль” бош мураббийи Брендан Роджерс ҳужумчи Марио Балотелли нима учун Англия Кубоги доирасида “Болтон”га қарши (0:0) ўйинда майдонга тушмаганлигини изоҳлаб ўтди.

"Балотелли касал эмас, у шунчаки таркибга кира олмаяпти. "Ливерпуль" футболчисига нисбатан қандай талаблар қўйилишини у билади. Мен ҳар кунги машғулотлар асосида хулоса чиқараман. Ҳеч ким учун алоҳида имтиёзлар йўқ, Марио ҳам бундайн мустасно эмас. Борини ва Ламберт машғулотларда тинимсиз меҳнат қилишмоқда ва ўйинларда фойда келтиришмоқда. Мен буни инобатга оламан. Жамоага наф келтиришни истасанг, асосий таркибга кириш учун бир ҳафта давомида машғулотларда ишла. Балотелли учун бу қийин, аммо у жамоанинг даражасини билади. Барча бизнинг тажовузкор прессингимизни кўриб турибди. Сен бунга қодир бўлмасан, у ҳолда ўйнамайсан. Биз кеча футболчилар билан суҳбатлашдик, Балотелли ҳам вазиятни яхши тушуниб турибди", - дейди “Ливерпуль” устози.