«Челси» бош мураббийи Жозе Моуриньо «Брэдфорд»га қарши ўйиндан (2:4) кейин ўз фикрлари билан ўртоқлашди.
«Журналистлар бизнинг ўйинимизга нисбатан қандай муносабатда бўляпти, билмадиму, аммо мен уларнинг ўрнида бўлганимда "Челси"га, мураббийларга ва ўйинчиларга танқидларни ёғдирган бўлардим. Шунингдек, «Брэдфорд» ўйинчиларининг хизматларини ҳам унутмаслик керак. Улар ажойиб ўйинни ўтказишди. Уларнинг ҳаракатларини эътироф этиш лозим.
Мен аввал ҳам айтгандим, яна такрорлайман: биз мусобақа ажратиб ўтирмайман, навбатдаги ҳар бир ўйинга эътибор қаратамиз. Бизнинг кейинги муҳим ўйинимиз — Лига кубоги ярим финалининг жавоб ўйини ("Ливерпуль"га қарши — stadion.uz).
Шубҳасиз, премьер-лига Кубок баҳсларига нисбатан обрўлироқ, аммо биз бу ўйинга максимал масъулият ва профессионализм билан ёндашдик. Англия кубогига ҳурмат билан ёндашамиз. Биз мағлубиятга учрадик ва афсуски, мусобақани тарк этамиз.
Бу ўйинда иштирок этмаган футболчилар — Матич, Иванович, Коста руҳий босим остида қолди деб ўйламайман. Биз ўз майдонимизда қуйи дивизион вакилига ютқаздик. Одатда бундай мағлубият навбатдаги ўйинда футболчиларнинг мотивациясига ижобий таъсир кўрсатиши керак. Энди биз ғалаба қозонишга мажбурмиз. Лекин ҳозирча бугунги натижа жамоага қандай таъсир қилиши ҳақида бирор нарса дея олмайман. Бўлиб ўтган ишларни тўлиқ тушуниб етишим учун менга 1-2 кун вақт керак», – дейди Моуриньо.
