"Атлетико" ҳимоячиси Тиагу Мендеш унинг жамоадошлари "Барселона"га қарши Испания кубоги учрашуви олдидан қўрқув ҳис қилмаётганини маълум қилди.
Биринчи учрашувда каталонияликлар 1:0 ҳисобида устун келган эдилар.
"Барселона" ўйиндан ўйинга кучайиб бормоқда. Аммо биз ундан қўрқмаймиз. Бундай рақибга қарши ўйнаш ажойиб ҳодиса. Биз учун бу ўйин дунё даражасидаги ўйинчиларга қарши ўйнаш имкониятидир. Месси ва Неймар жуда кучли футболчилар, биз уларни жамоа бўлиб тўхтатишимиз мумкин", - дейди Мендеш.
Жавоб учрашуви 28 янаварь куни бўлиб ўтади.