Италиянинг "Парма" клуби ўз ҳужумчиси Антонио Кассано билан шартномани муддатидан олдин бекор қилинганини тасдиқлади.
Шу тариқа, 32 ёшли ҳужумчи эркин агентга айланди. Хабарларга кўра, италиялик ҳужумчи ўтган ҳафтада ўз жамоаси устидан судга ариза берган. Кассанонинг айтишича "Парма" клуби футболчиларга олти ойдан бери маош тўламай келмоқда.
Эслатиб ўтамиз, Антонио Кассано 2013 йили "Парма" билан 4 йиллик шартнома имзолаган эди. Ушбу мавсумда Кассано "Парма" сафида 18та ўйинда майдонга тушиб 5та гол урган ва иккита голга ассистентлик қилган.













