«Сандерленд»нинг нидерландиялик посбони Робин Руфс АПЛнинг бирданига учта топ-клуби эътиборида турибди. Football Insider нашрининг хабарига кўра, 23 ёшли голкиперни «Ливерпуль», «Манчестер Сити» ва Лондоннинг «Челси» клублари ўз сафига қўшиб олмоқчи.

«Қора мушуклар» ўз навбатида Руфс учун 50 миллион фунтдан (тахминан 57 млн евро) кўпроқ маблағ ишлаб олмоқчи.

Робин «Сандерленд»га Нидерландиянинг НЕК клубидан 10,5 миллион евро эвазига ўтган эди. У инглиз клуби билан 2030 йилнинг ўрталарига қадар мўлжалланган узоқ муддатли шартнома имзолаган.

АПЛнинг жорий мавсумида Руфс 24 та учрашувда майдонга тушиб, ўз дарвозасидан 26 та тўп олиб чиқди. Саккизта ўйинда эса у ўз дарвозаси дахлсизлигини сақлаб қолди.