Англиянинг "Манчестер Юнайтед" клуби дарвозабони Давид Де Хеа жамоа билан амалдаги шартномасини 2020 йилгача узайтирди.
Бу ҳақда SportMediaset ўзининг Твиттердаги шахсий сахифасида маълум қилди. Маълумот учун, 24 ёшли дарвозабоннинг "МЮ" билан амалдаги шартномаси 2016 йилгача мўлжалланган эди. Эндиликда дарвозабон янги 2020 йилгача "Манчестер Юнайтед" сафида қолади. Унга кўра, Де Хеа ҳафтасига 140 минг фунт маош олади.
Эслатиб ўтамиз, Де Хеа 2011 йилда "Атлетико"дан "МЮ" сафига 17,8 млн фунт эвазига кўчиб ўтган ва тўрт йилдан бери жамоанинг асосий дарвозабони бўлиб келмоқда.