Африка миллатлар кубоги гуруҳ босқичида қизиқ вазият юзага келди. "D" гуруҳида чорак финал чиққан жамоалардан бири қуръа ёрдамида аниқланди.
Ушбу гуруҳда қуйидаги натижалар қайд этилди ва жадвалда қуйидагича вазият юзага келди:
1-тур, 20 январь
Кот-д'Ивуар - Гвинея - 1:1
Мали - Камерун - 1:1
2-тур, 24 январь
Кот-д'Ивуар - Мали - 1:1
Камерун - Гвинея - 1:1
3-тур, 28 январь
Камерун - Кот-д'Ивуар - 0:1
Гвинея - Мали - 1:1
|
ЖАМОА |
Ў |
Ю |
Д |
М |
Т-Н |
О |
|
1. Кот-д'Ивуар |
3 |
1 |
2 |
0 |
3-2 |
5 |
|
2. Гвинея |
3 |
0 |
3 |
0 |
3-3 |
3* |
|
3. Мали |
3 |
0 |
3 |
0 |
3-3 |
3* |
|
4. Камерун |
3 |
0 |
2 |
1 |
2-3 |
2 |
Эътибор берган бўлсангиз, дастлабки 2та турда барча ўйинлар 1:1 ҳисоби билан якунланди. Учинчи турда Кот-д'Ивуар Камерунни мағлуб этди ва гуруҳ ғолибига айланди. Гвинея ва Мали ўзаро 1:1 ҳисоби дуранг ўйнашди. Натижада бу икки жамоа барча кўрсаткичлар бўйича (ўзаро ўйин, тўплар нисбати, урилган голлар сони) бўйича бир хил кўрсаткичга эга бўлишди (мусобақа регламентини огоҳлантиришлар сони ҳисоб-китоб қилиниши инобатга олинмаган). Шу боис, ташкилотчилар чорак финалга чиққан иккинчи жамоани аниқлаш мақсадида қуръадан фойдаланишга мажбур бўлишди.
Бугун маҳаллий вақт билан 16:00да Малабо шаҳридаги “Хилтон” меҳмонхонасида ташланган қуръа натижасида чорак финалга Гвинея чорак финал йўлланмасини қўлга киритди. Бу жамоа чорак финалда Гана билан баҳс олиб бораи. Мали эса ортга қайтадиган бўлди.
Эътиборли томони, агар Кот-д'Ивуар ва Камерун ўртасидаги 3-тур баҳси ҳам 1:1 ҳисоби билан якунланганида чорак финалга чиқадиган икки жамоани аниқлаш учун 4 жамоа ўртасида қуръа ташланган бўларди.
